ለላይፍ የገቡበት ሙድ ላይፍ ይቀጫል!!!

#ሳteናw
"ሁሉንም ላይፎች አይቶ መመለስ ጥሩ ነው" እያለ ሲሰብክና በስሜት ሲያወራ ሰማሁት አንዱን ወጣት… ለማበላሸት መሞከሩን ሳያስተውል መምከሩ እኮ ነው በሱ ቤት። በጣም አናዶኛል… በጊዜው ዘርዘር ያለ መልስ ባልሰጠውም … ነቁሬዋለው። ወዲያው ግን በዚህ ዙሪያ እራሴን ስብሰባ ጠራው… ከሀሳብ ፍጭት ቡሃላ ከሱ ተቃራኒ የሆነ መደምደሚያ ላይ ደረስኩ… ከሱስ ነፃ የሆኑትን ለመምከር  መሞከር እንዳለብኝ… አሰብኩና ይህን ፃፍኩ… "አንተን ብሎ መካሪ!!" … በለኝ ከፈለክ…

   እርግጥ ነው መጥፎ ነገሮችን አይቶ መመለስ ለወደፊቱ ህይወት ልምድ ጠቃሚ ነው። ለነገሩ አዲስ ስለማትሆን፣ ስለማትጓጓ ቀድሞ ማወቅና፣ ማየትህ በተወሰነ መልኩ ይጠቅምህ ይሆናል። የነቆርኩት ወጣት ላይፎች ሲል የገለፀው ጎጂ… የጫት፣ የመጠጥ፣ የወሲብ፣ ሱሶችን ነበር።
በነዚህ ውስጥ ለሙድ ለላይፍ ብሎ ገብቶና አልፎ የወጣው ሰው ቁጥር እጅግ አናሳ ነው። ይህን መዘርዘር ለቀባሪ ማርዳት ነው።…  ግን እዚህ ጋር ልብ በልልኝ!! አይቶ መመለስና! አይቶ መቅረት! የሚባል ጉድ አለ። ይህንን መዘንጋት አይገባም።

☞ ጎጂ ሱስ የሚሆን ነገር አይቶ መመለስ፣ ኤድናሞል popcorn እየበላ ሙቪ  ከልሞ እንደ መመለስ ቀላል አይደለም።

የትኛው አጫሽ የትኛው ቃሚ የትኛው ጠጪ ነው በነዚህን የሱስ መሰናክሎች አልፎ ዛሬ ከሱስ የፀዳ ህይወት የሚመራው? ለሙድ ብሎ ገብቶ በሱሶቹ ሙድ የሚያዝበት ስንቱ ነው? ለሙድ ለላይፍ ብሎ ይቺም፣ ያቺም ጭን ውስጥ ሲገባ ከርሞ በመጨረሻም ጉድጓድ የገባው ስንቱ ነው? አላየህም?  አልሰማህም? <<ቦንብ ረግጦ ነው የሞተው>> ብለው በራሱ ለቅሶ ላይ አላንሾካሾኩልህም? ᎂቹ ይህን የጀመረው ለላይፍ ብሎ እንጂ ለመሞት ብሎ አልነበረም። ላይፍ ለማሳለፍ ነው እያለ ስንቱ ላይፉ ተበላሽ። የመውጣት እድሉ ጠባብ በሆነ ጫካ ውስጥ… ለመዝናናት ተብሎ እንዴት ይገባል? በሰላም ስለመውጣትስ በምን እርግጠኛ ይኮናል? ጫካ… ስል (wrong turn) የተሰኘውን ፊልም ታወሰኝ… ለመሆኑ ይህን ሙቪ አይተከዋል?… ለመዝናናት ብለው ጫካ የሄዱ ወጣቶች መመለሻው መንገድ ጠፍቷቸው ሲኳትኑ… በጫካው ውስጥ ሰው ሆነው የሰው ስጋ በል በሆኑ ፍጡሮች ይዘው… ስጋቸው ሲዘለዝሉት፣ ደማቸው ሲጠጡት፣ ነብሳቸውን ሲያወጡት … ሾፈከዋል? ለሙድ ለላይፍ ተብሎ የሚጀመርን ሱስ በዚህ ሙቪ መስለው። ሱስ ለመያዝ መግቢያው ሰፊ እንደሆነ ሁሉ መውጫው ሰፊ አይደለም። ለጊዜው ያዝናናኛል ብለህ ለሙድ የጀመርከው፣ በመጨረሻ ይዝናናብሃል፣ ራስህ ላይ ሙድ ይይዝብሃል። ዛሬ በቁጥጥሩ ስር ያላደረገህ ሱስ ነገ ይቆጣጠርሃል። እጅና እግርህን ያስርሃል ህይወትህን የዝባዝንኬ መንደር ያደርገዋል። ግድ የለሽና ሞራል አልባ ስብዕና ያላብስሃል። ዛሬ ለጥናት ብለህ የጀመርከው ቂማ፣ ነገ ቂያማ እንደሚሆንብህ አትጠራጠር።

ከጫትና መሰል ሱሶች የምታተርፈው ነገር ቢኖር… ጊዚያዊ ደስታን ነው… በህይወትህ ሂደት ቀስበቀስ የምታገኘውን ደስታ፣ በአቋሯጭ መንገድ ያገናኝሃል።ግን ምን ዋጋ አለው? ለጊዜው ያስደስትህና ደስታህ ወዲያው ይጨልማል። ስትጀምምረው ደስ ደስ ያሰኘህ በርጫ ምርቃናው ሲመጣብህ በሀሳብ ማዕበል ያንገላታሃል! ቁጭ አድርጎ ያስሮጥሃል ደግሞ በቀላሉ  ሆድ ይብስሃል፣ ትንሿን ቀዳዳ ያሰፋብሃል። ቸለስ ቸለስለስ አድርገህ ሞቅ ሲልህ ያስጨፈረህ ሞቅታ፣ በመጨረሻ አስክሮ አቅልህን ወስዶ ሰባተኛ ወይ ትቦ መሃል ያሳድርሃል፣ ። ለሙድ ብለህ የምትጀምራቸው ሱሶች መጨረሻቸው አያምርም። እደግመዋለው መግቢያው ሰፊ እንደሆነ መውጫቸው ሰፊ አይደለም።

ብልህ ከሰው፣ ሞኝ ከራሱ ስህተት ይማራል!! በውስጡ አልፌ እማረዋለው ካልክ ተሞኝተሃል። ምንም የዋና ችሎታ ሳይኖርህ… እዛው ዋና ለምጄ በዛው ይህን ባህር አቋርጣለው እያልክ መሆኑን… ተገንዘብ። ይህ ስህተትህ አያስተምርህም፣ ቦምብ አምካኝ እንዳትሆን!! እዛው ያስቀርሃል።

☞ አራዳ ከሆንክ ከሰው ስህተት ተማር፣ ምንም ፋይዳ እንደሌለው ከተሳሳቱት ተረዳ፣ ምንም አያጓጓህ! የተለየ ነገር የለውም።… ካንተ በልጬ፣ ካንተ ይበልጥ… ተገንዝቤ እንዳይመስልህ! በዚህና በመሰል ሱሶች ተይዘው… ተወው በቃ!! እናም እልሃለው ጎጂ ሱስ ያልጀመርክ ወንድሜ ብልህ ከሆንክ ከሰው ስህተት ተማር…  ሞኝ ከሆንክ… ሂድበት…

ወገሬት!!